ટી.એન્ડ ટી.વી. સેન્ટર ફોર પેરામેડીકલ કોર્ષીસ દ્વારા ધોરણ-૧૨ પાસ કરેલ વિદ્યાર્થીઓ માટે એક અનેરી તક ઉભી કરવામાં આવી છે જેમાં હોસ્પિટલમાં જરૂરી એવા પેરામેડીકલ સ્ટાફની ઉચ્ચ ગુણવત્તા સભર તાલીમ અને શિક્ષણનું આયોજન કરવામાં આવેલ છે. વિકસતા સમાજમાં હોસ્પિટલ એક અગત્યનો ભાગ છે જેમાં કુશળ કર્મચારીઓ (સ્કીલ પર્સન) ની હરહંમેશા જરૂરીયાત રહેલી હોય છે. હાલની પરિસ્થિતિ પર નજર કરતાં આધુનિક યુગમાં કુશળ કર્મચારીઓની માંગ સામે યોગ્ય તાલીમ મેળવેલ કુશળ કર્મચારીઓ પૂરતા મળતા નથી. સંસ્થાએ સરકાર માન્ય પેરામેડીકલ કોર્ષનું આયોજન કરેલ છે જેમાં સરકાર માન્ય અને પેરામેડીકલ કાઉન્સીલ ઇન્ડિયા, ન્યુ દિલ્હી ના માર્ગદર્શન હેઠળ નકકી કરેલા અભ્યાસક્રમ પર આધારીત કોર્ષનું આયોજન કરવામાં આવેલ છે. ભારતમાં કુશળ પેરામેડીકલ કર્મચારીઓની તીવ્ર તંગી છે. આગામી પાંચ વર્ષમાં ભારતમાં ૧૦ લાખ કુશળ પેરામેડીકલ કર્મચારીઓની જરૂર છે. આ કર્મચારીઓ વધારવાની તેમજ તેમની કુશળતા સુધારવા માટે ગુણવત્તા સભર પ્રશિક્ષણ આપવાની તાતી જરૂરિયાત છે. તેથી ભારતનાં આરોગ્ય વિભાગની જરૂરિયાતને ધ્યાનમાં રાખીને ટી.એન્ડ ટી.વી. સેન્ટર વર્ષ ૨૦૧૯ થી પેરામેડીકલ અભ્યાસક્રમો શરૂ કરવા જઇ રહ્યા છે.